Әлібек Сабырбаев кәсіпорында 13 жыл еңбек етіп, осы уақыт ішінде мұнай дайындау және айдау учаскесі, блоктық-топтық сорғы станциялары секілді ірі өндірістік нысандардың салынуына басшылық етті.
Иманбек Жетпісбайұлы кәсіпорында 29 жыл еңбек етіп, мұнай-газ өндіру цехында арнайы және ауыр техника жүргізушісі болды. Ол осы уақыт ішінде тек жүргізуші ғана емес, автомеханик ретінде де еңбек етіп, мұнай мен газ өндіруге қажетті техниканың үздіксіз жұмысын қамтамасыз етті.
Балғабай Отаров – кәсіпорында 28 жыл еңбек еткен кәсіби маман. Қарапайым жүргізушіден бастап автокөлік және арнайы техника бөлімінің бастығына дейінгі жолдан өтті. Ол өз қызметінде өндірістің техникалық үздіксіздігін қамтамасыз етіп, компанияның дамуына айрықша үлес қосты.
Марат Өтегенов – кәсіпорында 25 жыл үздіксіз қызмет еткен маман, еңбек қорғау, қоршаған ортаны қорғау және өндірістік қауіпсіздік бөлімінің жұмысына үлкен үлес қосқан.
Исмаил Жұмабаевич те кәсіпорында 25 жыл еңбек етіп, қазандық қондырғысының үздіксіз әрі сапалы жұмысын қамтамасыз етті.

Биыл қазақстандық мұнайдың 125 жылдығы аталып өтуде. 1899 жылы Жылыой ауданындағы Қарашүңгілде №7 ұңғымадан 42 метр тереңдіктен мұнай бұрқағы атқылап, сол кезден бастап кең байтақ қазақ даласында табиғи байлық өндіру үзілмей жалғасып келеді. Осы мерейтойға орай бірқатар қызметкерлерге «Қазақстан мұнайына 125 жыл» мерекелік медалі табысталды. Атап айтқанда, Бас директордың бірінші орынбасары мырза Чжан Ифэй, күрделі құрылыс бөлімінің бастығы Талғат Базарбаев, ұңғымаларды жерасты және күрделі жөндеу бөлімінің бастығы Марат Сыдыков, мұнай-газ өндіру цехының бастығы Ақылбек Отызбаев, орталық инженерлік-технологиялық қызмет бастығы Оралбек Орқараев, салық есебі бөлімінің бастығы Гүлмира Егизбаева, тауарлар, жұмыстар мен қызметтерді сатып алу және ТМҚ өткізу бөлімінің бастығы Ғалымбек Нұрманов, мұнай кәсіпшілік жабдықтарының 2-санатты механигі Ескендір Қалымбетов және кадрларды басқару бөлімінің референті Нұрсұлтан Мықтыбаев.